Dec 4, 2008

ഭാവി പ്രവചനം

ഔസേപ്പുമാപ്പിള തന്റെ മകന്‍ വര്‍ക്കി ഭാവിയില്‍ ആരായിത്തീരും എന്നറിയാന്‍ ഒരു പരീക്ഷണം നടത്തി.

മകന്റെ മേശപ്പുറത്ത്‌ ബൈബിളും മുഖംമൂടിയും അന്‍പതുരൂപയും ഒരു കുപ്പി വിസ്കിയും വെച്ചിട്ട്‌ മറഞ്ഞുനിന്നു. വിസ്കിയെടുത്താല്‍ കുടിയനും രൂപയെടുത്താല്‍ പണക്കാരനും മുഖംമൂടിയെടുത്താല്‍ കൊള്ളക്കാരനും ബൈബിളെടുത്താല്‍ പള്ളീലച്ചനും ആയിത്തീരും. ഇതായിരുന്നു ഔസേപ്പുമാപ്പിളയുടെ നിഗമനം.

മകന്‍ കയറിവന്ന്‌ ബൈബിളെടുത്ത്‌ കക്ഷത്തില്‍വെച്ചു. രൂപയെടുത്ത്‌ പോക്കറ്റില്‍ത്തിരുകി. എന്നിട്ട്‌ വിസ്കിയെടുത്ത്‌ കുടിക്കാന്‍ തുടങ്ങി. ഇതുകണ്ട ഔസേപ്പുമാപ്പിള പരിഭ്രമത്തോടെ പറഞ്ഞു. "കര്‍ത്താവേ, ഇവന്‍ രാഷ്ട്രീയനേതാവാകുമല്ല്ലോ"

No comments: